اوستیمیزدأکی آوگست آیئنئنگ 1-نه حرماتلی آقامئز نورمحمّد آشئرپور مرداف ترکمنستانئنگ پایتختی عشق آباد شهرینده 86 ( 1923-2009) یاشئندا آرادان چئقدی.ه
مرحوم آشئرپور مرداف 1923-نجی یئلدا ترکمنصحرانئنگ کومیش دپه یایلاغئندا دونیأ گلدی و شول یرده-ده باشلانغئچ بیلیمینی دؤولت قوراماچئلئغئنداکی یولا قویولان ایلکینجی کومیش دپه مکدبینده تماملادی.ه
اول مکدبی تماملاندان سونگ بندرترکمن شهرینده (اؤنگکی بندرشاه) نمثلرینگ ( آلمان یا گرمانیا) طرافئندان قورولان دمیریول تکنیکاسئنی اؤوردیجی تکنیکی (هنرستان فنّی ) مرکزینده اوقووا یرلشیأر. رضا شانئنگ پارس ایلاتئندان باشغا اتنیکی خلقلارئنئنگ غارشئسئنا آلئپ باران سیاساتئنئنگ اساسئندا شول دؤورده بو صناغات اوقو مرکزینی بندرترکمن شهریندن گؤچیریلیأر. اول یرده اوقایان اوقوچئلاری بولسا، آسترآباد (حأضیرکی گرگان) شهرینینگ دانشسرای مقدماتی ( پد. اوچیلیشه " تربیّت معلّم یا-دا مغللیم طیّارلایجی مرکز") اوقو مرکزینه گچیریلیأر. اول بو یرده اوقوونی غوتارئپ مغللیم بولیار.
... مرحوم آشئرپور مرداف اؤز دؤورینینگ ترکمن اؤنگده بارئجئسی حکمینده ستمکأر دؤرأن رژیمینگ غارشئسئنا بیلکی اگیندشلری بیلن بیر خطرده غوشولئشیار و گؤرشیأر. ستمکأر رژیم گؤیج آلاندان سونگ أهلی ایران بویونچا بولئشی یالی ترکمنصحرادا-دا اؤز غارشئداشلارئنی ائزارلاپ باشلایار. دؤورینگ پروگراسیو پارتیا-قورامالارئنئنگ آغضا-هواندارلاری گیزلنیأرلر و سونگا باقا 1947-نجی یئلدا ترکمنستان س. شوراسئنا غاچئپ آتماغا مجیبور بولیارلار. مرحوم اوچین بیر اوزاق بوسغونلئق دؤوری باشلانیار. اول ترکمنستانئنگ عشق آّباد شهریندأکی دؤولت اونیورسیته سینینگ ترکمن دیل و ادبیّات فاکولته سینه اوقووا یرلشیأر. اول یردن اوقوونی تماملاندان سونگ، ترکمنستان علئملار آکادمیاسئنئنگ دیل و ادبیّات اینیستیتوتئندا ایشه یرلشیپ، بیله کی عئلمی مرکزلر بیلن هم ایشلشیپ غایتیار. شول ساندا، سونگ مختومقلی آدئنا اؤوریلن ماکسیم گورکی آدئنداقی ترکمن دؤولت اونیورسیته سی هم حأضیرکی قولیازمالار اینیستیتوتی و ... ایشلشیپ غایتیار.ه
1979-نجی یئل ایرانداقی قوپغونلی واقالار اساسئندا، ایرانئنگ پهلوی پادشالئغی یئقئلئپ، أهلی خلق ائنقئلابی عامالا آشئرئلیار. بو ایّأمده داشاری یورتلارا گیدن ایرانلی اینتلیگنت اؤنگده بارئجئلاری بیلن بیر خطرده، نورمحمّد آشئرپور مرداف و اونونگ پیکیردش یولداشی صاپار انصاری ( آخاللی) 2-نجی بیر چت یوردئنگ اوستی بیلن اؤز واطانئنا دولانئپ گلیأر. ... ه
1979-نجی (1357 ش.) یئلدان 1981-نجی (1360 ش.) یئلا چنلی ایراندا سیاسی دوروم اویتگأپ باشلایار. سیاسی واقالارا لایئق بریلن مرحوم 1981-نجی یئلدا اسلام رژیمینینگ طرفئندان تهران دا توتولئپ 4 یئلاپ ایرانئنگ حووپلی تورمه سی زندان اوین توسساغخاناسئندا ساقلانیار. اول تورمه دن بوشاندان سونگ، ینه - ده ترکمنستانا دولانئپ گلمأگه مجبور بولیار. ... ه
مرحوم نورمحمّد آشئرپور مرداف ترکمنستاندا اؤنگکی ایشی بیلن مشغول بولیار. اول اؤز ایش دؤورینده اسلی عئلمی ایشلری آلئپ باردئلار. بو حقدا آیراتین مقالا دا گرکلی مغلوماتلاری برریس!. ... ه
حرماتلی پرافسور درجه سینه لایئق بولان د. نور محمّد آشئرپور مرداوغلی 2009-نجی یئلئنگ آوگوست آیئنئنگ بیریسی گونی پانی دونیأدن باقئغا قووشدی. ه
مرحومئنگ یاتان یری یاغتی و ایمان همراسی بوسئن! غالانلارئنا آبئرای برسین!.ه
خوجه نــفــس
**************
-- Nurmuhammet Asyrpur Meredow baky dünýä gowuşdy!i -- Üstümizdäki August aýynyň 1-ne Hormatly agamyz Nurmuhammet Aşyrpur Meredow Türkmenistanyň paýtagty Aşgabat şäherinde segsen alty ýaşynda aradan çykdy.(1923-2009 m.y.) i Merhum Aşyrpur Meredow 1923-nji ýylada Türkmensähranyň Kümüşdepe okrugynda dünýä geldi we şol ýerde-de başlangyç bilimini döwlet guramaçylygyndaky ýola goýulan ilkinji kümüşdepe mekdebinde tamamlady. i Ol mekdebi tamamlandan soň Bendertürkmen şäheriniň ( öňki Benderşhah) Nemsleriň ( Alma – Germaniýa) tarapyndan gurulan Demirýol tehnikasyny öwrediji Tehnikom ( Honarestan-e Fanni) Merkezinde okuwa ýerleşýär. Reza şanyň pars ilatyndan başga etniki halklarayň garşysyna alyp barýan syýasatynyň esasynda şol döwürde Bu sengat okuw merkezini Bendertürkmen şäherinden göçürýär. Ol merkezde okaýan okuwçylary bolsa, Asterabat (häzirki Gürgen) şäheriniň Daneşsäraýe Mogaddematy ( Ped. Uçylyşa “ Mugallym taýýarlaýyjy merkez”) okuw merkezine geçirýär. Merum bu ýerde okuwuny tamamlap mugallym bolýar. i … Merhum Aşyrpur Meredow öz döwrüniň türkmen öňdebaryjysy hökmünde sütemkär dörän rejimiň garşysyna beýleki egindeşleri bilen bir hatarda goşuluşýar we göreşýär. Sütemkär rejim güýç alandan soň ähli Eýran boýunça boluşy ýaly Türkmensährada-da öz garşydaşlaryny yzarlap başlaýar. Döwriň prograssiw partiýa-guramalaryň agza-howandarlary gizenýarler we soňga baka 1947-nji ýylda Türkmenistan S. Şurasyna gaçybatmaga mejibur bolýarlar. Merhum üçin bir uzak bosgunlyk dowry başlanýar. Ol Türkmenistanyň Aşgabat şäherindäki Universitesiniň Türkmen Dil we Edebiýat fakultesine okuwa ýerleşýär. Ol okuwuny tamamlandan soň, Türkmenistan Ylymlar Akademiýasynyň Dil we Edebiýat Inistitutyna işe ýerleşip, beýleki ylmy merkezler bilen işleşip gaýtýar. Şol sanda soň Magtynguly adyna öwrülen Maksimgorki adyndaky Türkmen Döwlet Universitesi hem häzirki Golýazmalar Inistituty we… işleşip gaýtýar. i 1979-njy ýyl Eýrandaky gopgunly wakalar esaseynda, Eýranyň Pählewi patyşalygy synyp, Eýranyñ ähli halk rewolýusiýasy amala aşyryldy. Bu eýýämde daşary ýurtlara giden Eýranly inteligent öňdebaryjylary bilen bir hatarda, Nurmuhammet Aşyrpur Meredow we onuň pikirdeş ýoldaşy Sapar Ensary (Ahally) 2-nji bir daş ýurduň üsti bilen öz watanyna gelip ýetdiler. …i 1979-njy (1357 ş.) ýyldan 1981-nji (1360 ş.) ýyla çenli Eýranda syýasy durum üýtgäp başlaýar. Syýasy wakalara laýyk berilen merhum 1981-nji ýylda Yslam rejiminiň tarapyndan Tähranda tutulyp 4 ýyllap Eýranyň howuply türmesi Zendan-e Evin-de oturýar. Ol türmeden boşan soň, ýene-de, Türkmenistana dolanyp gelýär.i Merhum Nurmuhammet Aşyrpur Meredow Türkmenistanda öňki işhi bilen meşgul bolýar. Ol öz iş döwründe esli ylmy işleri alyp bardylar. Bu hakda ýörite maglumat çykararys. … i Hormatly professor derejesine laýyk bolan Dr. Nurmuhammet Aşyrpur Meredow 2009-njy ýylyň August aýynyň bir günu fany dünýäden bakyga gowuşdy. i
Merhumyň ýatan ýeri ýagty bolsyn! Galanlaryna abyraý bersin! i
Hojanepes
